काठमाडौं । हेलिकप्टर अवतरणको तयारीमा रहेको बेला एक ब्रिगेडियर जनरलसहित म्यान्मा सुरक्षा सेवाका ४ सदस्यको सोमबार स्नाइपर हमलामा गोली हानी हत्या गरिएको छ ।
ब्रिगेडियर जनरल आये मिन नाउङ, उनका निजी सुरक्षा अधिकारी र २ पाइलटलाई थाई सीमामा रहेको म्यावाडी नजिकैको पूर्वी थिङगान्निनाउङ सहरमा अवतरण गर्न तयार हुँदा एक ‘स्नाइपर’ले गोली हानेको सुरक्षा स्रोतले बताएको छ ।
मिडियासँग कुरा गर्नका लागि अधिकार नभएकाले नाम नछाप्न अनुरोध गर्दै स्रोतले ब्रिगेडियर जनरलको मृत्यु भएको बताएको छ । स्रोतले विवरण नदिई हेलिकप्टरमा सवार २ अन्य सैनिक बाँचेको बताएको छ । कति स्नाइपरले हेलिकप्टरमाथि गोली चलाएका थिए वा गोली हान्ने दोषी को थियो भन्नेबारे स्रोतले केही बताएन ।
हालैका महिनाहरूमा जुन्ताको म्यावाडी वरपर जातीय अल्पसंख्यक लडाकूहरू र सहयोगी ‘पिपुल्स डिफेन्स फोर्स’ समूहहरूसँग नियमित रूपमा झडप भएका छन् । स्थानीय मिडियाले घटनापछिको तस्वीर प्रकाशित गरेका छन्, जसमा एउटा सानो हेलिकप्टर खेतमा रहेको देखिन्छ । एक स्थानीय आउटलेटले हेलिकप्टर २ इन्जिन भएको युरोकप्टर ३६५ रहेको बताएको छ ।
ब्रिगेडियर जनरल मुलुकका विभिन्न भागमा आफ्नो विद्रोहको विरोधीहरूको लडाइँका क्रममा अग्रिम मोर्चामा मारिने सबैभन्दा पछिल्लो उच्च पदस्थ अधिकारी छन् ।
नोभेम्बरमा चिनियाँ सीमा नजिकै मोनेकोमा एउटा ड्रोनले खसाएको बमबाट लाइफ इन्फेन्ट्री बटालियनका ब्रिगेडियर जनरलको मृत्यु भएको एक सैन्य स्रोतले बताएको छ ।
छिमेकी कोकाङ क्षेत्रमा जातीय अल्पसंख्यक लडाकूहरूको गठबन्धनसामु २ हजारभन्दा धेरै सैनिकसँग आत्मसमर्पण गरेको आरोपमा ६ जना ब्रिगेडियर जनरल हिरासतमा छन् ।
नोभेम्बरमा २ पाइलट बोकेको एउटा हलुका लडाकू विमान लडाइँ जारी रहेको मुलुकको पूर्वी भागमा दुर्घटनाग्रस्त भएको थियो । सैन्य विद्रोहका विरोधीहरू शक्तिहरूले उनीहरूले विमान खसाएको दाबी गरेका छन् । जुन्ताले इन्जिनको विफलताका कारण दुर्घटना भएको बताएको छ ।
सन् २०२१ को सैन्य विद्रोहपछि म्यान्मा द्वन्द्वको चपेटामा परेको छ । धेरै सशस्त्र जातीय समूह विभिन्न मोर्चामा जुन्तासँग लडिरहेका छन् ।
