काठमाडौं । नेपालले आज सोमबार आयरल्याण्ड ‘ए’सँग अभ्यास खेल खेल्दैछ ।
आईसीसी टी–२० विश्वकपको तयारी स्वरूप नेपालले आयरल्याण्ड ‘ए’सँग अभ्यास खेल खेल्न लागेको हो ।
कीर्तिपुरस्थित त्रिभुवन विश्वविद्यालयको खेल मैदानमा नेपालले आयरल्याण्ड ‘ए’सँग दिउँसो १ बजे खेल खेल्नेछ ।
नेपालको सिनियर टोलीले आयरल्याण्ड ‘ए’सँग मंगलबार टी–२० खेल खेल्ने तय भएको छ । यसैगरी आयरल्याण्ड ‘ए’सँग नेपाल ‘ए’ टोलीले कीर्तिपुरस्थित त्रिवि क्रिकेट मैदानमा ३ वटा टी–२० खेल तथा ३ एकदिवसीय खेल खेल्ने नेपाल क्रिकेट संघ (क्यान) ले जनाएको छ ।
आयरल्याण्ड ‘ए’सँग अभ्यास खेलका लागि नेपाली टोलीमा रोहितकुमार पौडेल (कप्तान), आसिफ शेख, कुशल भुर्तेल, कुशल मल्ल, दीपेन्द्रसिंह ऐरी, ललितनारायण राजवंशी, गुलशन झा, करण केसी, सोमपाल कामी, विवेक यादव, सन्दीप जोरा, अनिल साह, प्रतिश जिसी, आकाश चन्द र अभिनाश बोहरा रहेका छन् ।
