काठमाडौं । ह्वाइट हाउसले आईतबार इजराइली सेनाले कुनै नयाँ अपरेसनतर्फ अगाडि बढ्नुको सट्टा ‘आराम गर्न सकुन् र पुनः तयार हुन सकून्’ भन्ने उद्देश्यका लागि दक्षिणी गाजा क्षेत्रबाट इजराइलको आंशिक फिर्तीको सम्भावना रहेको बताएको छ ।
राष्ट्रिय सुरक्षा परिषद्का प्रवक्ता जोन किर्बीले एबीसीको ‘दिस विक’मा भने, ‘उनीहरू ४ महिनादेखि जमिनमा छन्, हामीले पाएको खबरअनुसार उनीहरू थाकेका छन्, उनीहरूलाई पुनः दुरुस्त गर्न आवश्यक छ, यसले हामीलाई के भन्छ भन्नेबारे अहिले थाहा पाउन कठिन छ ।’
सैन्य तथा इजराइली सञ्चारमाध्यमका अनुसार युद्धमा बढ्दो मृत्युबाट वासिङ्टनको दबाबमा रहेको इजराइलले खान युनिस सहरसहित दक्षिणी गाजाबाट आफ्ना सबै सैनिकलाई फिर्ता बोलाएको केही घण्टापछि किर्बीको भनाइ आएको छ ।
इजराइली सुरक्षा बल (आईडीएफ) ले अक्टोबर ७ मा प्यालेस्टिनी लडाकू समूह हमासको आक्रमणपछि उसले गाजाको बाँकी भागमा महत्त्वपूर्ण बललाई परिचालन गरिरहने बताएको छ ।
आधिकारिक इजराइली आँकडाअनुसार हमासले गरेको आक्रमणमा अधिकांश सर्वसाधारणसहित १ हजार १७० इजराइली र विदेशीको मृत्यु भएको थियो । गाजाको हमासद्वारा सञ्चालित स्वास्थ्य मन्त्रालयका अनुसार इजराइलको जवाफी कारबाहीमा प्यालेस्टिनी क्षेत्रमा कम्तीमा ३३ हजार १७५ जनाको मृत्यु भएको छ ।
किर्बीले आईडीएफलाई आफ्नो अभियानबारे कुरा गर्न दिइने बताए । ‘उनीहरूको सार्वजनिक घोषणाहरूमार्फत यो वास्तवमा ४ महिनादेखि जमिनमा रहेका यी सेनाहरूका लागि आराम र सुधारका बारेमा मात्र हो भन्ने हामीले बुझ्यौं र यी सेनाका लागि आउँदै गरेको नयाँ अपरेसनको संकेत हो भनेर बताउन जरुरी छैन,’ उनले भने ।
