मोरङ । कोशी प्रदेशका मुख्यमन्त्री हिक्मतकुमार कार्कीले आगामी १ हप्ताभित्र मन्त्रिमण्डल विस्तार गर्ने बताएका छन् ।
प्रदेश सभामा सोमबार विश्वासको मत प्राप्त गरेपछि सञ्चारकर्मीहरूको जिज्ञासामा जवाफ दिँदै हाललाई नेकपा एमाले र नेकपा माओवादी केन्द्र सहितको सरकार विस्तार गर्ने जानकारी दिए ।
मुख्यमन्त्री कार्कीले जनता समाजवादी पार्टी नेपाल विभाजनपछि सनाखत हुन केही दिन लाग्ने तथा नेकपा एकीकृत समाजवादी सरकारलाई समर्थन दिने तर प्रतिपक्षमा बस्ने भएकाले आगामी दिनमा छलफल गरी सरकारमा सहभागी हुने विश्वास व्यक्त गरे ।
अहिले प्रदेश सरकारले मन्त्रालयको संख्या वृद्धि नगर्ने उनले जानकारी दिए । उनले यस माओवादीसँग समझदारी भएको प्रष्ट पारे । विश्वासको मत लिने बैठकमा नेपाली कांग्रेस अनुपस्थित हुनु संसदीय अभ्यासको क्रममा चुकेको उनको प्रतिक्रिया छ ।
कांग्रेसले कार्यव्यवस्था समितिको बैठकमा आजको बैठक सार्ने विषयमा कुनै जानकारी नदिएको उनले प्रष्ट पारे ।
मुख्यमन्त्री कार्कीले भने, ‘एमालेले संविधान, संसदीय अभ्यास, ऐन, नियम कानूनको पालना गरी सरकार निर्माण गरेको छ, सरकार अल्पमतको होइन बहुमतको हुन्छ ।’
उनले कुनै पनि सरकारले सदनको विश्वास गुमाएपछि विश्वासको मत लिनुपर्ने, अन्यथा राजीनामा दिई अर्को सरकार निर्माणलाई स्वीकार्नुपर्ने बताए ।
-1732180435.webp)
