काठमाडौं । राजधानी काठमाडौं र ललितपुरका विभिन्न स्थानमा शनिबार ५ देखि ९ घण्टासम्म विद्युत् सेवा अवरुद्ध हुने भएको छ ।
विद्युत् प्राधिकरणले काठमाडौंको बलम्बु सहायक वितरण केन्द्रको मातातीर्थ फिडर र ललितपुरमा पुल्चोक वितरण केन्द्रको पाटन पुल्चोक फिडर अन्तर्गतका वितरण गरिएका स्थानहरूमा बिजुली काटिने जनाएको छ ।
मर्मत तथा कन्डक्टर अपग्रेड गर्न लागिएकाले ती फिडर अन्तर्गतका क्षेत्रहरूमा विद्युत् अवरूद्ध हुनेछ । मातातीर्थ फिडर अन्तर्गत पर्ने दाउरा डिपो, महादेवस्थान, चेकपोष्ट, आयल निगम, गोदाम, थानकोट, त्रिभुवन पार्क, खरिबोट, नागढुंगा, पिपलामोड, बसुन्डोल, इन्द्रथान, टोटीटोल, सिरानचौर, महेश फाट, कुखुरेचौर र झाँगाझिँटीमा बिहान १० बजेदेखि दिउँसो ३ बजेसम्म विद्युत् लाइन अवरूद्ध हुनेछ ।
प्राधिकरणका अनुसार ललितपुरको पाटनपुल्चोक फिडर अन्तर्गत पर्ने भनीमण्डल, एकान्तकुना, लामाचौर, समिट होटल, बखुनडोल, मन्त्री क्वाटर, झम्सिखेल, अरूण थापा चोक क्षेत्रमा बिहान ८ बजेदेखि साँझ ५ बजेसम्म विद्युत् अवरुद्ध हुनेछ ।
-1732180435.webp)
