काठमाडौं । राजधानी काठमाडौं उपत्यकाका विभिन्न स्थानमा शनिबार विद्युत अवरुद्ध हुने भएको छ ।
विद्युत् प्राधिकरणका अनुसार रत्नपार्क वितरण केन्द्रको विभिन्न फिडरअन्तर्गत विभिन्न स्थानमा शनिबार बिहान ११ बजेदेखि दिउँसो २ बजेसम्म विद्युत् अवरुद्ध हुनेछ ।
कालोपुल फिडरअन्तर्गत चाबाहिल सबस्टेसन हुँदै टोयोटा सोरुम पछाडिबाट दियो व्यांक्वेट, धुम्बाराही, राप्रपा पार्टी कार्यालयसम्मका क्षेत्रमा विद्युत् अवरुद्ध हुने प्राधिकरणले जनाएको छ ।
हाँडीगाउँ फिडरअन्तर्गत पहेंलो पुल हुँदै हाडीगाउँ कृष्ण मन्दिर, ५ नम्बर वडा कार्यालय, विशालनगर, गहनापोखरी, भाटभटेनी हुँदै पुलिस मुख्यालय छेउ छाता गणेश मन्दिर हुँदै डिल्लीबजार चारखाल लोडब्रेक स्वीचसम्मका क्षेत्रमा भूमिगत केबल चार्जका लागि फिडर सटडाउन गर्नुपर्ने कारण विद्युत् अवरुद्ध हुनेछ ।
गैरीधारा फिडरअन्तर्गत पूर्व राजदरबार उत्तर ढोका हुँदै धोवीचौर गैरीधारा, सनराइज बैंक हुँदै नक्साल भुडे गणेश अगाडिको लोड ब्रेक स्वचीसम्म तथा गोमा पेट्रोल पम्प, खुर्सानीटार, बालुवाटार चोक, चाइनिज दूतावास क्षेत्रमा पनि भूमिगत विद्युतीय केबल चार्ज गर्नका लागि फिडर सटडाउनमा राख्नुपर्ने भएकाले विद्युत् अवरुद्ध हुनेछ ।
निर्धारित समयअघि नै काम सकिए समयअगावै विद्युत् सेवा सञ्चालन हुने प्राधिकरणले जनाएको छ ।
-1732180435.webp)
