सरकारका १४ उपसचिवको सरुवा, को कहाँ ?

बुधबार, साउन ३०, २०८१ व्यवस्था संवाददाता

काठमाडौं । संघीय मामिला तथा सामान्य प्रशासन मन्त्रालयले १४ जना उपसचिवको सरुवा गरेको छ ।

मन्त्रालयले संघीय मामिला तथा सामान्य प्रशासन मन्त्रालयको अतिरिक्त समूहमा रहेका उपसचिवत्रय रविन ढकाल, रामहरी पाण्डे र छविलाल पौडेलको क्रमशः भूमि व्यवस्था, सहकारी तथा गरीबी निवारण मन्त्रालय, राष्ट्रिय योजना आयोग र गृह मन्त्रालयमा सरुवा भएको छ ।

महिला, बालबालिका तथा ज्येष्ठ नागरिक मन्त्रालयकी उपसचिव नीता शर्माको रक्षा मन्त्रालय, वन तथा वातावरण मन्त्रालयका उपसचिव रत्नेश शशिको महिला, बालबालिका तथा ज्येष्ठ नागरिक मन्त्रालय, ऊर्जा, जलस्रोत तथा सिँचाइ मन्त्रालयका उपसचिव हेमराज भुसालको राष्ट्रिय महिला आयोगमा सरुवा भएको छ ।

महिला, बालबालिका तथा ज्येष्ठ नागरिक मन्त्रालयका उपसचिव विनोद कुमार दाहालको विद्युतीय सुशासन आयोग, संघीय मामिला तथा सामान्य प्रशासन मन्त्रालयका उपसचिव विजय शर्माको महिला, बालबालिका तथा ज्येष्ठ नागरिक मन्त्रालय, राष्ट्रिय महिला आयोगका उपसचिव माधवराज मरासिनीको ऊर्जा, जलस्रोत तथा सिँचाइ मन्त्रालयमा सरुवा भएको छ ।

संघीय मामिला तथा सामान्य प्रशासन मन्त्रालयका फणिन्द्र प्रसाद पौडेलको रक्षा मन्त्रालय, संघीय मामिला तथा सामान्य प्रशासन मन्त्रालयका हरि पंगेनीको स्वास्थ्य तथा जनसंख्या मन्त्रालय, प्रधानमन्त्री तथा मन्त्रिपरिषद्को कार्यालयका ईश्वरी प्रसाद ढकालको स्वास्थ्य तथा जनसंख्या मन्त्रालय, स्वास्थ्य तथा जनसंख्या मन्त्रालयका उपसचिव सुरेश राज जोशीको गृह मन्त्रालय, उद्योग, वाणिज्य तथा आपूर्ति मन्त्रालयका कृष्ण प्रसाद चापागाईंको गृह मन्त्रालयमा सरुवा गरिएको छ ।