पछिल्लो २४ घण्टामा देशका विभिन्न स्थानमा ६ जना मृत अवस्थामा फेला परेको नेपाल प्रहरीले जानकारी दिएको छ ।
खोटाङ, दिप्रुङचुईचुम्मा गाउँपालिका-७ घर भई साकेला गाउँपालिका-३ स्थित सामुदायिक स्वास्थ्य इकाई सेवा केन्द्र खोटाङमा कार्यरत ३१ वर्षीय मणिराज घिमिरे साकेला गाउँपालिका-५ ढकालटारस्थित घरमा आइतबार मृत अवस्थामा फेला परेका छन् ।
सङ्खुवासभा, मकालु गाउँपालिका-५ माङसिमा भन्ने ठाउँमा काम गरी बस्दै आएका धनकुटा साँगुरिगढी गाउँपालिका-१० घर बताउने ७० वर्षीय धनकुटे भनेर चिनिने ढक बहादुर राई मकालु गाउँपालिका-५ स्थित घरमा आइतबार मृत अवस्थामा फेला परेका छन् ।
म्याग्दी, बेनी नगरपालिका-७ बेनीस्थित कालिगण्डकी नदीको किनारमा सोही नगरपालिका-९ काउलेगौंडा बस्ने ३५ वर्षीया सिता मिजार शनिबार मृत अवस्थामा फेला परेकी छन् ।
कैलाली, टीकापुर नगरपालिका-६ बेलुवोझी बस्ने खुसीराम चौधरीको छोरा ८ वर्षीय आरभ चौधरी घर नजिकै रहेको सडकको नालामा आइतबार मृत अवस्थामा फेला परेका छन् ।
यसै गरी कैलाली, टीकापुर नगरपालिका-५ दौलतघाटस्थित कर्णाली नदीको किनारामा हाल नाम, थर, वतन नखुलेकी महिला आइतबार मृत अवस्थामा फेला परेकी छिन् ।
महोत्तरी, सोनमा गाउँपालिका-२ तरारीस्थित बन्तवा सिँचाई बाँधमा हाल नाम, थर, वतन नखुलेका अन्दाजी २० वर्षीय पुरुष आइतबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
