काठमाडौं । सुनकोशीमा बेपत्ता भएका सिटिइभिटीका कर्मचारीको शव फेला परेको छ ।
शनिबार बिहान ८ बजे ५६ वर्षीय यमप्रसाद भुर्तेलको शव फेला परेको हो ।
पुर्वीनवलपरासी प्रगती नगरपालिका-७ का भूर्तेल सिटिइभिटीका योजना महाशाखाका निर्देशक थिए।
गत जेठ १९ गते शुक्रबार सिन्धुलीको गोलन्जोर गाउँपालिका-७ लौकुनमा गाडी दुर्घटना हुँदा सुनकोशी नदीमा खसेको थियो।
भूर्तेलको शव उदयपुरको ताप्ली गाउँपालिका-५ कुमलटारस्थित सुनकोशी नदी किनारमा फेला परेको जिल्ला प्रहरी कार्यालय, सिन्धुलीले जानकारी दिएको छ।
प्र.३-०१-००२ झ ४९८५ नम्बरको गाडीमा भुर्तेलसहित चार जना भक्तपुरबाट खोटाङतर्फ जाने क्रममा गाडी दुर्घटना भएको थियाे ।
सिटिइभिटीका प्रशासन महाशाखा निर्देशक ५७ वर्षीय सहसचिव कृष्णबहादुर केसी र विद्युत प्रशिक्षक ३२ वर्षीय भानु पौडेलको शव जेठ २३ गते भेटिएकाे थियाे ।
चालक कृष्ण चौधरीले पौडी खेलेर आफ्नो ज्यान बचाएका थिए ।
