काठमाडौं । देशका अधिकांश नदीमा आज पानीको बहाव उल्लेख्य बढ्ने पूर्वानुमान छ । बाढी पूर्वानुमान महाशाखाका अनुसार केही जिल्लामा बाढीको उच्च जोखिम रहने छ । शुक्रबार सप्तकोसी, सुनकोसी, तमोर, दूधकोसी, कमला, वागमती र महाकाली नदीको जलसतहले सतर्कता तह पार गर्ने पूर्वानुमान छ ।
सप्तरी, सिरहा, धनुषा, महोत्तरी, सर्लाही र रौतहटमा बाढीको उच्च जोखिम रहने महाशाखाले जनाएको छ ।
यस्तै, इलाम, झापा, मोरङ, सुनसरी, धनकुटा, भोजपुर, ओखलढुंगा, रामेछाप, दोलखा, सिन्धुपाल्चोक, सिन्धुली, मकवानपुर, काभ्रेपलाञ्चोक, काठमाडौं, ललितपुर, भक्तपुर, बारा, पर्सा, चितवन, नवलपरासी (बर्दघाट सुस्ता पूर्व), नवलपरासी (बर्दघाट सुस्ता पश्चिम), पाल्पा र रुपन्देही भई बहने केही साना नदीमा आकस्मिक बाढीको जोखिम रहने पूर्वानुमान छ ।
आज ताप्लेजुङ, पाँचथर, तेह्रथुम, संखुवासभा, सोलुखुम्बु, रसुवा, नुवाकोट, गोरखा, लमजुङ, तनहुँ, कास्की, स्याङ्जा, दाङ, डोटी, डडेलधुरा र दार्चुला भई बहने केही साना नदीमा समेत बहाव बढ्न सक्ने पूर्वानुमान छ ।
नदीतटीय क्षेत्रमा उच्च सतर्कता अपनाउन महाशाखाले आग्रह गरेको छ ।
-1732870741.jpg)