रुपन्देही । नेत्रविक्रम चन्द 'विप्लव' नेतृत्वको नेपाल कम्युनिस्ट पार्टीका कार्यकर्ताले भैरहवामा एक मिटरब्याजीको घर घेराउ गरेका छन् ।
उनीहरूले सिद्धार्थनगर नगरपालिका वडा ५ मिलनचोक निवासी रमानन्द बानियाँको घर घेराउ गरेका हुन् ।
मिटरब्याजी पीडितहरूले नेकपालाई घर घेराउ गर्न आग्रह गरेको बताइएकाे छ ।
बानियाँबिरुद्ध ठगी गरेकाे भन्दै ६२ जनाले जिल्ला प्रशासन कार्यालयमा उजुरी गरेपनि प्रशासनले वास्ता नगरेपछि नेकपालाई गुहारेका हुन् ।
यता जिल्ला प्रशासन कार्यालयले यससम्बन्धमा अनुसन्धान भइरहेकाे बताएकाे छ ।
