धनगढी । कैलालीमा बस र ट्रक एकआपसमा ठोक्किँदा १५ जना घाइते भएका छन् ।
घाेडाघाेडी नगरपालिका- १० घुम्नी भाकलमा दुर्घटना भएकाे हाे ।
पूर्वबाट पश्चिम तर्फबाट गइरहेको सुपप्र ०१००१ ख २७५९ नम्बरको ट्रक र पश्चिमबाट पूर्वतर्फ जाँदै गरेको म १ ख ९०९ नम्बरको बस एक आपसमा ठोक्किएर दुर्घटना भएको हो ।
ट्रक चालकको अवस्था गम्भीर रहेको जिल्ला प्रहरी कार्यालय, कैलालीले जनाएकाे छ ।
घाइते भएकाकाहरूलाई घोडाघोडी अस्पताल पुर्याइएकाे छ । घटनाकाे बारेमा थप अनुसन्धान भइरहेकाे छ ।
