तेहरान। इरानले परमाणु कार्यक्रमबारे कुनै वार्ता नगर्ने बताएको छ।
इरानको इस्लामिक रिभोलुसनरी गार्ड कोर्प्स (आईरजीसी) का पूर्व कमाण्डर मोहसेन रेजाईले इरान आफ्नो परमाणु कार्यक्रमबारे कसैसँग पनि सम्झौता वा वार्ता नगर्ने स्पष्ट पारेका हुन्।
इरानी सरकारी समाचार एजेन्सीका अनुसार रेजाईले होर्मुज जलडमरूमध्यको नियन्त्रण इरानकै हातमा रहनुपर्नेमा जोड दिएका छन्।
उनले चेतावनी दिँदै भने, ‘यदि होर्मुज स्ट्रेटको नियन्त्रण इरानबाहिर गयो भने शत्रुहरूले फेरि यसलाई इरान र इरानी जनताविरुद्ध हतियारका रूपमा प्रयोग गर्नेछन्।’
उनले क्षेत्रीय सुरक्षाको जिम्मा सम्बन्धित देशहरूले नै लिनुपर्ने भन्दै अमेरिका र युरोपेली शक्तिहरूजस्ता बाह्य शक्तिहरू यस क्षेत्रबाट बाहिरिनुपर्ने धारणा पनि राखे।
यता अमेरिका र इरानबीच युद्ध अन्त्य र परमाणु सम्झौताबारे फरक–फरक दाबी सार्वजनिक भइरहेका छन्।
