काठमाडौं । जनसांख्यिक तथा स्वास्थ्य सर्वेक्षण- २०२२ सार्वजनिक भएको छ। स्वास्थ्य तथा जनसंख्या मन्त्रालयको नेतृत्वमा न्यू एराले गरेको सर्वेक्षणको नतिजा शुक्रबार सार्वजनिक भएको हो ।
जनसांख्यिक तथा स्वास्थ्य सर्वेक्षण सन् १९९७ देखि गर्दै आइएको स्वास्थ्य मन्त्रालयकी सचिव देवकुमारी गुरागाईंले बताइन् ।
उनले याे तथ्यांकले नेपालको दिगो विकासका लक्ष्य प्राप्त गर्न सजिलाे हुने बताइन् ।
कार्यक्रममा स्वास्थ्य तथा जनसंख्या मन्त्रालय नीति योजना तथा अनुगमन महाशाखाका प्रमुख डा.कृष्ण पौडेलले सर्वेक्षणको संक्षिप्त नतिजा प्रस्तुत गरेका थिए ।
उनका अनुसार नतिजा हेर्दा केही केहीमा लक्ष्य प्राप्त भइसकेको र केहीमा केहनत गर्नुपर्ने देखिएको छ ।
सर्वेक्षणअनुसार नेपालले जन्मदरमा दिगो विकासको लक्ष्य प्राप्त गरिसकेको छ । मातृमृत्युदर, स्वास्थ्य संस्थामा सुत्केरी हुने दर, बालबालिका बिरामी हुँदा स्वास्थ्यकर्मीसँग परामर्श लिने दरमा राम्रो प्रगति भएको सर्वेक्षणमा उल्लेख छ ।
सर्वेक्षणको उद्देश्य प्रजनन, विवाह, परिवार नियोजन, स्तनपानका अभ्यास, पोषण, खाद्य असुरक्षा, मातृ तथा बाल स्वास्थ्य, बाल मृत्युलगायतका विविध विषयको तथ्यांक प्रस्तुत गर्नु हाे
।
सर्वेक्षणमा देशका सबै भूगोल, वर्ग तथा समुदायको प्रतिनिधित्व हुनेगरी १३,७८६ घरपरिवार छनोट गरिएको मन्त्रालयले जनाएकाे छ ।
